texte

Coumancer nou rouler nou pas ouler tout les temps pou éna valeur sa
Nou prend nou ravanne ti séga joli zordi parcequi nou pane laisse li tomber
Pareil couma le Morne zordi tane dire li ménacer
Sommeil grand dimoune qui tia pé reposer là-bas
La rivière du sang pé faire tourbillon dans mo l’esprit pé faire moi rappel

Commier éna ti monté la haut le morne là-bas
Preferer jeter à cause contant liberté
Faudré pas nou blier na pas fine jeter pou nanier
Zistoire éna valeur mais li la pou faire réflechit
Coummier éna ti monté la haut le morne là-bas
Preferer jeter à cause contant liberté
Faudré pas nou blier na pas fine jeter pou nanier
Zistoire éna valeur li la pou faire réflechit

Décendant esclave to bizin na pas honté
To bizin affirme to identité
Prend compte to passer
Pas laisse li piétiner coume sa même to pou conner qui to été
Pareil couma le morne c’est qui écrire pas in effacer
Nou la peau éna soleil qui ti né dans l’afrique là-bas
Nou ti saute la mer éna tourbillon
Mo même mo are vivant pé faire moi rappel